اين هم من انا

Admin المساهمات : 128 تاريخ التسجيل : 28/08/2011

اذا تونس بحر من الماي تملك
بحر نفط العراق ابد ما ينضب

واذا تزرع تونس مر الزيتون
تمر العراق احلى من الشكر واطيب

واذا تونس تشرب مالح الماي
عذب نهر الفرات العراق يشرب

واذا تونس ما عدها امام
ثمن ائمة عدنا بيهم الحاجات تطلب

واذا تونس يحكمها دكتاتور
ثلثمية دكتاتور عدنا وثعلب

واذا عدهم ما تطفة الكهرباء
من الظلمة مقابر بيوتنا تُحسب

صح تونس ما تملك كربلاء
لكن تعلمت من كربلاء اشلون تغضب

اذن ليش تونس تثور
واحنا حالنا علينا ما يصعب

هي اشترت الحرية بمية شهيد
واحنا الاف ننطي وجرحى ما تُحسب

باعو الدم وشتروا كنز الوطن
واحنا دمنا وي الوطن يُسلب

تتعلم يا عراقي اليوم من الغير
وانت الجنت تعلم الغير عالمطلب

كل الدول صارت لواعيب
وانت الصرت الهم الطوبة والملعب

وسفة يا عراقي على هالذلة
وانت الصاح بيك احسين نعم للانسب

الغركان يجلب حتى لو بقشة
وانت شلون تغرك وعندك المركب

حسين مصباح الهدى ومركب نجاة
وانت بالظلام تعيش وكاضيها تنحب

شنو جفت ثدايا البلد من العطاء
وغير الحرامية امنة بعد ما تنجب

لا تظل مغمض فتح عيونك يا شعب
الوحيد الخاسر انت والكل رابح المكسب

ولا تظل عايش دومك غشيم
ولا تخلي حارس شاتك الثعلب

وبالحكمة كالوا من زمان

يم الصحيح لا تربط الاجرب
يم الصحيح لا تربط الاجرب